بھارتی فوج کا ٹرک کھائی میں گرنے سے 16اہلکار ہلاک

سکم:بھارتی ریاست سکم میں ٹرک کھائی میں گرنے سے 16 بھارتی فوجی ہلاک، 4 زخمی ہو گئے۔

بھارتی میڈیا کے مطابق جمعہ کے روز ایک حادثے میں ہندوستانی فوج کے 3 جونیئر کمیشنڈ آفیسرز اور 13 سپاہیوں سمیت 16اہلکارجان سے ہاتھ دھو بیٹھے۔

بھارتی میڈیا کے مطابق بھارتی فوج کی جانب سے ریسکیو آپریشن شروع کردیا گیا ہے، گاڑی کو حادثہ ڈھلوان سے نیچے پھسلنے پر پیش آیا۔

یہ گاڑی تین گاڑیوں کے قافلے کا حصہ تھی جو صبح چٹن سے تھنگو کی طرف روانہ ہوا تھا۔ زیما کے راستے میں گاڑی کو حادثہ پیش آیا۔

بھارتی میڈیا کے مطابق حادثے کے بعد علاقے میں فوری ریسکیو آپریشن شروع کردیا گیا ہے اور ٹرک سے 4 فوجیوں کو زخمی حالت میں نکال کر ہسپتال منتقل کیا گیا ہے