سوات میں کارکھائی میں جاگری،شیرخواربچہ جاں بحق،6افرادزخمی

سوات(بیورورپوٹ)سوات کے علاقے جامبیل میں کارکھائی میں گرنے سے شیر خوار بچہ جاں بحق ہوگیا جبکہ بچوں اور خواتین سمیت 6افراد زخمی ہوگئے،

پولیس کے مطابق حادثہ اس وقت پیش آیا جب ایک موٹر کار ڈرائیورخلیل الرحمان سے بے قابو ہوکر کھائی میں جاگری، جس کے نتیجے میں پانچ ماہ کا بچہ علاؤ الدین ولد صلاح الدین سکنہ موقع پر جاں بحق ہوگیا جبکہ دیگر بچوں اور خواتین سمیت چھ افراد زخمی ہوگئے جنہیں فوری طبی امداد کے لئے سیدوشریف اسپتال منتقل کردیا گیا ہے۔

سوات کے علاقے خوازہ خیلہ میں تین گاڑیوں کے آپس میں تصادم کے نتیجے میں 6افراد زخمی ہوگئے۔ پولیس کے مطابق بابوکے مقام پر رکشاکار سے اوورٹیک کرتے ہوئے سامنے آنے والی ڈائنا گاڑی سے ٹکراگئی اور تینوں گاڑیاں میں آپس میں ٹکرانے سے بچوں اورخواتین سمیت چھ افراد زخمی ہوگئے،جنہیں فوری طبی امداد کے لئے سول اسپتال خوازہ خیلہ منتقل کردیا گیا

تحصیل کبل کے علاقے دردیال میں مکان میں آگ لگ گئی۔پولیس کے مطابق آگ نصیب زادہ ولد کامران کے مکان میں نامعلوم وجوہات کی بناپر لگی جس کے نتیجے میں مکان میں موجود فرنیچر اور گھریلوسامان جل گیا،مقامی افراد نے امدادی کاروائی کرتے ہوئے آگ پر قابوپالیا،مالک مکان کے مطابق اس کا بارہ لاکھ روپے کا نقصان ہوا ۔