امریکی صدر میئر کو نظرانداز نہیں کرسکتاعدالت نے ٹرمپ کو روک دیا

امریکی وفاقی عدالت کے ایک جج نے صدر ڈونلڈ ٹرمپ اور ان کی انتظامیہ کو دارالحکومت واشنگٹن ڈی سی میں نیشنل گارڈز کی تعیناتی سے عارضی طور پر روک دیا ہے، جس پر انتظامیہ 21 دن کے اندر اپیل دائر کر سکتی ہے۔

میڈیا رپورٹس کے مطابق ڈسٹرکٹ جج جیا کوب نے اپنے فیصلے میں کہا کہ صدر نے مقامی حکام یعنی میئر کی قانونی اتھارٹی کو نظرانداز کیا، اور نیشنل گارڈز کی یکطرفہ تعیناتی شہر کی خودمختاری اور مقامی قوانین کے خلاف ہے۔

عدالت نے واضح کیا کہ صدر وفاقی املاک کو تحفظ دینے کا اختیار رکھتے ہیں، لیکن مقامی جرائم کنٹرول کے لیے فوج کا استعمال یکطرفہ طور پر نہیں کیا جا سکتا۔ مقدمہ ڈی سی کے اٹارنی جنرل برایان شوالب نے دائر کیا تھا، جن کا کہنا تھا کہ فوجی تعیناتی شہر کی خودمختاری کو خطرے میں ڈال سکتی ہے۔

عدالتی حکم فوری مؤثر نہیں ہے اور امریکی محکمہ انصاف نے اس فیصلے پر ردعمل دیتے ہوئے کہا کہ حکومت کے انتظامی حکم کو معطل کرنے کی کوئی وجہ نظر نہیں آتی۔