ماہانہ فیول ایڈجسٹمنٹ کے تحت بجلی 65 پیسے سستی ہونے کا امکان

ماہانہ فیول ایڈجسٹمنٹ کے تحت بجلی 65 پیسے سستی ہونے کا امکان ہے، نیپرا اتھارٹی نے سماعت مکمل کرکے فیصلہ محفوظ کرلیا ۔

اکتوبر میں پانی سے زیادہ بجلی پیدا ہونے سے فیول ایڈجسٹمنٹ پر اثر پڑا، طلب میں کمی کے باعث کوئلے سے کم بجلی پیدا کی گئی۔

حکام نے کہاہے کہ اکتوبر میں ایندھن کی قیمتیں مستحکم رہیں، گزشتہ سال اکتوبر کی نسبت انڈسٹری کی کھپت 25 فیصد بڑھ گئی، کے الیکٹرک کو زیادہ بجلی دینے سے کیپسٹی پیمنٹس کا حجم کم رہا۔

دن کی نسبت رات کو 6 ہزار میگاواٹ سے زائد کی کھپت بڑھی ہے۔فریقین کا مؤقف سننے کے بعد نیپرا اتھارٹی نے سماعت مکمل کرکے فیصلہ محفوظ کرلیا۔عدادوشمار کا جائزہ لینے کے بعد فیصلہ جاری کیا جائے گا، بجلی کی قیمت میں کمی کا اطلاق کے الیکٹرک صارفین پر بھی ہوگا۔