ہمیں وعدوں اور گارنٹیوں پر کوئی اعتبار نہیں ،صرف عملی اقدامات ہی معیار ہیں،باقر غالیباف

تہران:ایرانی مذاکراتی ٹیم کے سربراہ باقر غالیباف نے بیان جاری کرتے ہوئے کہاہے کہ ہمیں وعدوں اور گارنٹیوں پر کوئی اعتبار نہیں ہے، ہمارے لیے صرف عملی اقدامات ہی اصل معیار ہیں۔

ایکس پر جاری بیان میں باقر غالیباف نے ایران کے سخت اور غیر سمجھوتہ کار مؤقف کا اظہار کرتے ہوئے کہا ہمیں کسی ضمانت یا زبانی باتوں پر کوئی بھروسہ نہیں ہے، صرف عملی اقدامات ہی اصل معیار ہیں۔ جب تک دوسری طرف سے کوئی ٹھوس قدم نہیں اٹھایا جاتا، ہماری جانب سے بھی کوئی کارروائی نہیں کی جائے گی۔

۱-ما امتیازات را نه با گفتگو، بلکه با موشک‌‌ها می‌گیریم، در مذاکره فقط آن‌ها را تفهیم می‌کنیم.

۲- هیچ اعتمادی به تضمین‌ها و حرف‌ها نداریم، فقط رفتارها معیار است. اقدامی پیش از اقدام طرف مقابل انجام نخواهد شد.

۳-پیروز هر توافق، کسی است که از فردای آن بهتر برای جنگ آماده شود.

— محمدباقر قالیباف | MB Ghalibaf (@mb_ghalibaf) May 29, 2026

ایران رعایتیں مذاکرات کی میز پر محض باتوں سے نہیں، بلکہ اپنی میزائل طاقت کے ذریعے حاصل کرتا ہے۔ ہم مذاکرات کے دوران صرف دوسری سائیڈ کو اپنی بات اور پوزیشن سمجھاتے ہیں۔کسی بھی معاہدے کا اصل فاتح وہ ہوتا ہے جو معاہدہ طے پا جانے کے اگلے ہی دن سے جنگ کے لیے زیادہ بہتر طریقے سے تیار ہو۔