متحدہ عرب امارات کا ایرانی حملوں پر شدید احتجاج ، جوابی کارروائی کا انتباہ

ابو ظہبی: متحدہ عرب امارات کی وزارتِ خارجہ نے ایران کی جانب سے کیے گئے حالیہ میزائل اور ڈرون حملوں کی شدید الفاظ میں مذمت کرتے ہوئے اسے ملکی سلامتی کے لیے ایک سنگین خطرہ قرار دیا ہے۔ متحدہ عرب امارات نے واضح کیا ہے کہ وہ ان “بزدلانہ” حملوں کا جواب دینے کا “مکمل اور جائز قانونی حق” محفوظ رکھتا ہے۔

متحدہ عرب امارات کے سرکاری بیان کے مطابق، ایران کی جانب سے کیے گئے یہ حملے بین الاقوامی قوانین کی کھلی خلاف ورزی اور خطے میں کشیدگی بڑھانے کی ایک خطرناک کوشش ہیں۔

الإمارات تُدين بشدة تجدد العدوان الإيراني الغادر باستخدام الصواريخ والطائرات المسيّرة pic.twitter.com/1fAwX6GFuK

— MoFA وزارة الخارجية (@mofauae) May 4, 2026

 ان حملوں کو ملکی خود مختاری اور شہریوں کی زندگیوں کے لیے براہ راست خطرہ قرار دیا گیا ہے۔ یو اے ای نے واضح کیا کہ وہ اپنی سرحدوں اور مفادات کے تحفظ کے لیے کسی بھی ضروری اقدام سے گریز نہیں کرے گا۔

عالمی برادری سے اپیل کی گئی ہے کہ وہ ایران کے اس غیر ذمہ دارانہ رویے اور اشتعال انگیزی کا نوٹس لے۔