یورپی کونسل صدر کا ایران۔امریکہ معاہدے کا خیرمقدم

یورپی کونسل کے صدر انتونیو کوسٹا نے ایران اور امریکہ کے درمیان ہونے والے معاہدے کا خیرمقدم کرتے ہوئے اسے ایک “مہنگی جنگ” کے خاتمے کی جانب اہم پیش رفت قرار دیا ہے۔

انہوں نے کہا کہ یورپی یونین اس عمل میں “دیرپا امن” کے لیے حکمت عملی کی تشکیل میں کردار ادا کرنے کے لیے تیار ہے۔

انتونیو کوسٹا نے سوشل میڈیا پلیٹ فارم ’ایکس‘ پر لکھا کہ وہ اس مہنگی جنگ کے خاتمے اور آبنائے ہرمز میں بحری آمدورفت کی مکمل آزادی کی بحالی کے منتظر ہیں۔

انہوں نے کہا کہ اب ہتھیاروں کو خاموش ہو جانا چاہیے اور باقی اختلافات کو بین الاقوامی قانون کے مطابق پرامن طریقے سے حل کیا جانا چاہیے۔