کراچی،مولانا فضل الرحمٰن کے بھائی کو ایئرپورٹ سے باہرجانے کی اجازت مل گئی
انجینئر ضیاء الرحمٰن عمرے کی ادائیگی کے بعد سعودی عرب سے پرواز کے ذریعے کراچی پہنچے تھے
کراچی،مولانا فضل الرحمٰن کے بھائی کو ایئرپورٹ سے باہرجانے کی اجازت مل گئی
ذرائع کے مطابق انجینئر ضیاء الرحمٰن عمرے کی ادائیگی کے بعد سعودی عرب سے پرواز کے ذریعے کراچی پہنچے تھے۔ ان کے ہمراہ جمعیت علمائے اسلام سندھ کے صوبائی سیکرٹری جنرل علامہ راشد محمود سومرو بھی موجود تھے۔
ایئرپورٹ پر تعینات امیگریشن حکام نے ضیاء الرحمٰن کو روک لیا اور اس صورتحال سے بذریعہ ای میل وزارت داخلہ کو آگاہ کرتے ہوئے اسلام آباد سے باضابطہ جواب طلب کیا۔
امیگریشن ذرائع کے مطابق متعلقہ حکام کی جانب سے جواب اور اجازت ملنے کے بعد انہیں صبح 10 بجے ایئرپورٹ سے باہر جانے کی اجازت دے دی گئی۔
دوسری جانب علامہ راشد محمود سومرو اور جمعیت علمائے اسلام کے کارکنان بڑی تعداد میں ایئرپورٹ پر ان کے استقبال کے لیے موجود تھے۔ باہر آنے پر کارکنان نے انجینئر ضیاء الرحمٰن کا پُرجوش استقبال کیا اور انہیں خوش آمدید کہا۔