کورنگی میں دہشت گردوں کی فائرنگ – ایک رینجرز اہلکار شہید2زخمی

کراچی:کورنگی کے علاقے زمان ٹاؤن میں رینجرز پرحملے میں ایک اہلکار شہید جبکہ 2اہلکارزخمی ہوگئے۔ کارروائی ایک سیاسی جماعت کے دہشت گرد کوگرفتار کرنے کیلئے کی جا رہی تھی ۔

نجی ٹی وی کے مطابق کورنگی کے علاقے زمان ٹاؤن میں ایک سیاسی جماعت کے دہشت گرد وں کی موجودگی پر رینجرز نے چھاپہ مارا تو دہشت گردوں نے خود کارہتھیاروں سے فائرنگ کردی ، جس سے ایک رینجرز اہلکار شہید جبکہ 2زخمی ہوگئے ۔ شہیدو زخمی ہونیوالے اہلکاروں کوہسپتال منتقل کردیا گیا ۔ واقعہ کے بعد پولیس اور رینجرز کی بھاری نفری کو موقع پر طلب کرکے سرچ آپریشن شروع کردیا گیا ۔