شام میں داعش کے حملے میں 2برطانوی فوجی زخمی

دمشق:شام میں داعش کے حملے میں 2برطانوی فوجی زخمی ہوگئے،شام کے مشرقی علاقے میں لڑائی کے دوران داعش کی جانب سے فائر کئے جانے والے راکٹ سے دو برطانوی اسپیشل فورسز کے اہلکار زخمی ہوگئے ، اسکائی نیوز کے مطابق لڑائی کے دورن ایک کردش بھی ہلاک ہوا، حملے میں زخمی ہونے والے برطانوی اسپیشل فورسز کو طبی امداد کیلئے امریکی اسپیشل فورسز نے علاقے سے ریسکیوکرکے اسپتال منتقل کیا جہاں دونوں کی حالت خطرے سے باہر ہے۔
برطانوی اسپیشل فورسز شمالی شام میں داعش سے لڑنے کیلئے موجود ہیں جن کی تفصیلا ت برطانوی حکومت نے جاری نہیں کی ہیں،برطانوی وزارت دفاع کے مطابق ہم خصوصی آپریشن میںشامل فوجیوں کے متعلق معلومات افشاں نہیںکرتے۔