ہل پارک میں 5 ریسٹورنٹ- 2شادی ہالز سمیت تعمیرات کا انہدام

کراچی کے ہل پارک میں تجاوزات کے خلاف کارروائی جاری ہے،ہل پارک کی 6ایکڑ زمین پر پانچ ریسٹورنٹس،2 شادی ہالز اورمنی گالف کلب کی غیر قانونی باؤنڈری وال گرائی جا رہی ہے۔

کراچی کے اہم علاقے ہل پارک میں تجاوزات کیخلاف کارروائی کا عمل جاری ہے۔ اس دوران 6 ایکڑ زمین پر غیر قانونی تعمیرات گرانے کا آپریشن کیا جارہا ہے۔

میٹرو پو لیٹن کمشنر ڈاکٹر سید سیف الرحمن کے مطابق ہل پارک میں تجاوزات کے خلاف کارروائی کے دوران دعا ریسٹورنٹ، ایمان ریسٹورنٹ، عاشی ریسٹورنٹ، تھری کوئن ریسٹورنٹ، اوسسس ریسٹورنٹ ،معراج امیوز مینٹ پارک، اوسسس میرج گارڈن، منی گولف کلب، گولف کلب میرج ہال اور غیر قانونی باؤنڈری وال بھی منہدم کر رہے ہیں۔