کراچی کے طلبہ کو ہیروئن و چرس بیچنے والے 2ملزمان گرفتار،منشیات برآمد

کراچی کے علاقے گڈاپ سےکراچی کے تعلیمی اداروں میں طلبا کو ہیروئن اور چرس سپلائی کرنے والے2ملزمان کوگرفتارکرلیا۔

ایس ایس پی ملیرکے مطابق کراچی کے علاقے گڈاپ سےکراچی کے تعلیمی اداروں میں طلبا کو ہیروئن اور چرس سپلائی کرنے والےملزمان شیرخان اور فخر شاہد کوگرفتارکرلیا۔پولیس نے ملزمان کوخفیہ اطلاع پر یثرب کالونی اور بقائی یونیورسٹی کے قریب سے گرفتار کیا۔

ایس ایس پی ملیرکاکہناتھاکہ ملزمان نے دوران تفتیش کراچی کے مختلف کالجوں اور یونیورسٹیوں میں طلبا کو عرصہ دراز سے چرس اور ہیروئن کی سپلائی کرنے کا اعتراف کرلیاہے۔

گرفتارکئے گئے ملزمان سے2 کلو سے زائد چرس اور دوسوستر گرام ہیروئن برآمد ہوئی ہے ،منشیات تحویل میں لیکر ملزمان کو تھانے منتقل کردیاگیا ہےاوران کیخلاف مقدمات کا اندراج کرکےتفتیش شروع کردی گئی ہے۔