کراچی سےٹارگٹ کلنگ میں ملوث لیاری گینگ وار کاملزم گرفتار

کراچی پولیس نے رات گئے خفیہ اطلاع پر کارروائی کرتے ہوئے پولیس اہلکار کے قتل میں ملوث ٹارگٹ کلر کو میمن گوٹھ سے گرفتارکر لیا ۔

پولیس کے مطابق گرفتار ملزم کا تعلق لیاری گینگ وار سے ہے اور اسے میمن گوٹھ فٹ بال گراؤنڈ سے اسلحہ سمیت گرفتار کیا گیا۔واضح رہے کہ ملزم نے 2012 میں میمن گوٹھ میں پولیس اہلکار محمد رفیق کو قتل کیا تھا۔

دوسری جانب تین روز قبل دہلی کالونی کراچی سے اغوا کیے گئے 15سالہ لڑکے سبحان کو بازیاب کرالیا ہے۔پولیس کا کہنا ہے کہ سبحان کے اغوا کے شبہ میں دو ملزمان کو گرفتار کیا گیا ہے.

گرفتار کئے گئے ملزمان کی نشاندہی پر مغوی کو کینٹ اسٹیشن کے قریب سے بازیاب کرایا گیاہے۔