سرینگر میں پولیس اسٹیشن پردستی بم حملہ

سری نگرکے لال بازارکے علاقے میں جمعرات کو پولیس اسٹیشن پردستی بم حملے میں ایک پولیس اہلکار زخمی ہوگیا۔

پولیس ذرائع کے مطابق سری نگرکے لال بازارعلاقے میں جمعرات کو پولیس اسٹیشن پردستی بم پھینکا گیا جو پولیس اسٹیشن کے باہرگرکرپھٹ گیا۔

انہوں نے بتایا کہ دھماکے میں ایک اہلکار زخمی ہوا جس کو فوری طورپرعلاج  کے لیے پولیس کنٹرول روم ہسپتال منتقل کردیا گیا۔

ذرائع کا کہنا ہے کہ زخمی پولیس اہلکارکی حالت خطرے سے باہر ہے نیز حملہ آوروں کی تلاش کے لیے علاقے کو محاصرے میں لیا گیا۔