دنیا بھر میں کرونا سے اموات تین لاکھ 53 ہزار سے تجاوز

دنیا بھر میں کورونا کیسزکی تعداد میں تیزی سے اضافہ جاری ہے اور متاثرہ افراد کی تعداد 57 لاکھ ہزار سے بڑھ گئی جبکہ تین لاکھ 53 ہزارافراد جان کی بازی ہار چکے ہیں۔

دنیا بھر میں چوبیس گھنٹوں کے دوران کورونا کے 65,333  نئے کیسز سامنے آئے ہیں۔ 24 لاکھ 50 ہزار سے زائد افراد کورونا کو شکست دے کر صحت یاب ہوچکے ہیں۔

امریکہ میں کورونا سے مزید 443 افراد موت کے منہ میں چلے گئے جس کے بعد اموات کی تعداد ایک لاکھ سے زائد ہو گئی۔ کورونا کے مریضوں کی تعداد 17 لاکھ 25 ہزار سے بڑھ گئی ہے اور ساڑھے چار لاکھ سے زائد افراد صحت یاب ہو چکے ہیں

برازیل  کورونا وائرس متاثرین کی ممالک کی فہرست میں دوسرے نمبر پر پہنچ گیا ہے۔ برازیل میں 24 گھنٹے کے دوران مزید 386 افراد ہلاک ہو چکے ہیں جبکہ ایک دن میں 4 ہزار سے زائد نئے کیسز کے ساتھ متاثرہ افراد کی تعداد 3 لاکھ 94 ہزار سے بڑھ گئی ہے جبکہ مرنے والوں کی تعداد 24 ہزار 593 ہوگئی ہے۔

روس میں کورونا وائرس سے مزید 161 افراد ہلاک ہو گئے جس کے بعد اموات کی مجموعی تعداد 4 ہزار سے تجاوز گئی ہے جبکہ متاثرین کی تعداد تین لاکھ 70 ہزار سے بڑھ گئی ہے۔

کورونا سے اسپین میں مزید 74 افراد ہلاک ہو گئے جس کے بعد اموات کی تعداد 27 ہزار سے بڑھ گئی جبکہ 2 لاکھ 83 ہزار سے زائد افراد متاثر ہیں۔

برطانیہ میں کورونا مزید 121 جانیں نگل گیا اور مجموعی اموات 37 ہزار سے بڑھ گئی ہیں جبکہ دولاکھ 65 ہزار سے زائد مریضوں میں کورونا کی تشخیص ہو چکی ہے۔

اٹلی میں کورونا وبا سے مزید 92 افراد ہلاک ہوئے جس کے بعد ہلاکتوں کی تعداد 32 ہزار 9 سو سے تجاوز کرگئی ہے جبکہ متاثرہ افراد کی تعداد دو لاکھ 30 ہزار سے تجاوز کرگئی ہے۔

فرانس میں کورونا سے ہلاک ہونے والے افراد کی تعداد 28 ہزار5 سو سے بڑھ گئی ہے جبکہ متاثرہ افراد کی تعداد ایک لاکھ 82 ہزار سے تجاوز کرگئی ہے۔

جرمنی میں کورونا سے ہلاک ہونے والے افراد کی تعداد 8 ہزار سے تجاوزکرگئی جبکہ متاثرہ افراد کی تعداد ایک لاکھ 81 ہزار سے زائد ہے۔

ایران میں کورونا سے ہلاک ہونے والے افراد کی تعداد 7 ہزار564 سے بڑھ گئی جبکہ متاثرہ افراد کی تعداد ایک لاکھ 41 ہزار سے تجاوزکرگئی۔

ترکی میں کورونا سے ہلاک ہونے والے افراد کی تعداد 4 ہزار سے تجاوزکرگئی جبکہ متاثرہ افراد کی تعداد ایک لاکھ 58 ہزار سے بڑھ گئی۔

بھارت میں کرونا تیزی سے پھیل رہا ہے، متاثرہ افراد کی تعداد153,230 تک پہنچ گئی اوردنیا بھر میں دسویں نمبر پرآگیا جبکہ ہلاکتوں کی تعداد4,365سے تجاوزکرگئی۔