راولپنڈی۔دھماکے سے رکشہ تباہ۔ایک شخص جاں بحق۔6افراد زخمی

راولپنڈی کے علاقے پیرودہائی میں واقع بس اسٹینڈ پررکشے میں دھماکہ ہواہے جس کے نتیجے میں7افراد زخمی ہوگئے جن میں سے ایک شخص دم توڑگیا۔

دھماکے کی اطلاع ملتے ہی پولیس اور قانون نافذ کرنے والے ادارے موقع پرپہنچ گئے جبکہ ریسکیو اہلکاروں نے زخمیوں کو قریبی ہسپتال منتقل کردیا۔

پولیس نے علاقے کو گھیرے میں لے کرتحقیقات کا آغاز کر دیا ہے۔ ریسکیو حکام نےعینی شاہدین کے حوالے سے بتایا کہ اچانک رکشہ میں  زودارآواز کے بعد آگ لگی۔

پولیس کے مطابق دھماکا رکشے میں سلنڈر پھٹنے یا پٹرول کی ٹنکی پھٹنے سے ہوا تاہم دھماکےکی نوعیت معلوم کی جارہی ہے،ریسکیوآپریشن جاری ہے۔