سمندری طوفان تاؤتے بھارتی ریاست کیرالہ سے ٹکرا گیا

سمندری طوفان تاؤتے بھارتی ریاست کیرالہ سے ٹکرا گیا،طوفان کے باعث شدید بارشیں ہوئیں جس سے 4افراد ہلاک ہو گئے ۔

میڈیا رپورٹس کے مطابق تاؤکتے طوفان کے بھارتی ریاست کیرالہ سے ٹکرانے ک بعد لوگوں نے بڑی تعداد میں نقل مکانی شروع کردی ،سمندری طوفان اب بھارتی ریاست گجرات کی جانب بڑھ رہا ہے ۔ بھارتی میڈیا کے مطابق سمندری طوفان تاؤکتے سے سے بھارت کی 6 ریاستیں متاثر ہونے کا خدشہ ہے ۔

بھارتی میڈیا کے مطابق کیرالہ، کرناٹکا ، تامل ناڈو، گجرات ، مہاراشٹرا اور گووا کی ریاستیں تاؤتے سے متاثر ہو سکتی ہیں ۔ ادھر سمندری طوفان 18سے 20مئی کے دوران سندھ کے ساحلی علاقوں سے ٹکرائے گا۔طوفان کے باعث ٹھٹھہ ، بدین ، کراچی ، حیدرآباد اور سانگھڑ میں تیز ہوائوں کے ساتھ بارش کا امکان ہے ۔ماہی گیروں کو اگلے چند روز تک گہرے سمندرمیں نہ جانے کی ہدایت کی گئی ہے ۔