داعش جنگجووں کا جیل پر حملہ۔20 ساتھیوں کو چھڑا لیا

دمشق:شام کے شہرالحسکہ  میں داعش کے جنگجووں نے جیل پر حملہ کر کے اپنے 20 ساتھیوں کو چھڑا لیا ۔

العربیہ کے مطابق  داعش کے حملہ آوروں نے الحسکہ میں جیل کے دروازے پر کار بم دھماکے کے ذریعے حملہ کیا جس کے بعد محافظوں سے جھڑپ ہوئی ۔ اس موقع پر جنگی طیاروں نے بھی الحسکہ  کی غویران جیل کے اوپر پروازیں کر کے اپنی فورسز کی مدد کیلیے بمباری کی ۔

حکومتی میڈیا نے اعتراف کیا کہ دہشتگرد تنظیم کے 20 ارکان جیل سے فرار ہو گئے ہیں ۔ ایک اور خبر ایجنسی کے مطابق داعش عناصر نے  تین ایندھن کے ٹینک الحسکہ کے جنوب میں دھماکے سے اڑا دیے ۔