نئی دلی میں فضائی آلودگی،پرائمری اسکول بند

نئی دہلی(اُمت نیوز)بھارتی دارالحکومت نئی دلی میں بدترین فضائی آلودگی کا سامنا،دلی حکومت نے صورتحال بہتر ہونے تک پرائمری اسکول بند کرنے کا اعلان کردیا۔
غیر ملکی میڈیا رپورٹس کے مطابق نئی دلی کے وزیراعلیٰ اروند کیجریوال نے کہا ہے کہ آلودگی کی صورتحال پر قابو پانے کیلئے تمام اقدامات کیے جارہے ہیں جس کیلئے آج سے نئی دلی کے تمام پرائمری اسکولوں کو بند کیا جارہا ہے ۔
اس کے علاوہ اسکولوں میں تمام کلاسوں کی بیرونی سرگرمیاں بھی معطل رہیں گی۔قریبی ریاستوں میں فصلوں کی باقیات جلانے سے دلی کی فضائی آلودگی میں اضافہ ہورہا ہے۔