جامعہ این ای ڈی میں کتابوں کا میلہ سج گیا

کراچی (اسٹاف رپورٹر)جامعہ این ای ڈی کی ابوالکلام لائبریری اور این سی ایل، این سی اے آئی کے تحت دو روزہ کتب میلے کا انعقاد کیا گیا. چیف لائبریرین ہما سردار کے مطابق اس بُک فئیر میں 30 اسٹالز پر رکھی جانے والی کتابوں کی تعداد ہزاروں میں ہے. اس کتب میلے میں طالب علموں سمیت اساتذہ اور اسٹاف کی بڑی تعداد نے شرکت کی.جامعہ ترجمان کے مطابق این ای ڈی یونی ورسٹی کے اس کتب میلے میں انجینئرنگ سے متعلقہ کتابوں سمیت انجمن ترقئ اردو پاکستان کے اسٹال پر بھی گہما گہمی نظر آئی. کتابوں کی جانب رغبت دلانے کے لیے کاؤس جی اسکول کے طالب علموں کو بھی کتب میلے کا دورہ کروایا گیا.