غزہ سٹی کے قریب اسرائیلی ہیلی کاپٹر حملہ۔ 2 افراد جاں بحق

غزہ سٹی کے مغرب میں واقع ایک فشنگ پورٹ کے قریب اسرائیلی اپاچی ہیلی کاپٹر کے حملے میں دو افراد جاں بحق ہو گئے ہیں۔

خبر ایجنسی وفا کے مطابق اس حملے کے بعد ہلاکتوں کی تعداد دو تک پہنچ گئی ہے، جبکہ متعدد دیگر افراد زخمی ہوئے ہیں۔

وفا نے بتایا کہ اتوار کے روز غزہ کے مختلف علاقوں میں اسرائیلی حملوں کے نتیجے میں مزید کئی افراد زخمی بھی ہوئے۔

رپورٹ کے مطابق زیتون کے علاقے میں کواڈ کاپٹر ڈرون سے ایک گروہ کو نشانہ بنایا گیا، جس سے متعدد افراد زخمی ہو گئے، جبکہ اسرائیلی افواج نے شمالی غزہ کے علاقے بیت لاہیا میں الحطابیہ اسٹریٹ کے اطراف بھی گولہ باری کی۔