حالیہ امریکی حملوں میں 53 افراد جاں بحق ہوئے، ایرانی وزارت صحت
یہ جانی نقصان 27 جون سے 22 جولائی کی صبح تک کے عرصے پر مشتمل ہے۔
ایرانی وزارتِ صحت کے مطابق ایران پر حالیہ امریکی حملوں کی لہر کے دوران اب تک 53 افراد جاں بحق ہو چکے ہیں۔
وزارت کے جاری کردہ اعداد و شمار کے مطابق یہ جانی نقصان 27 جون سے 22 جولائی کی صبح تک کے عرصے پر مشتمل ہے۔
ایرانی وزیرِ صحت حسین کرمان پور نے ایکس پر اعداد و شمار جاری کرتے ہوئے بتایا کہ امریکی حملوں کے نتیجے میں 592 افراد زخمی بھی ہوئے ہیں۔
تاہم، انہوں نے یہ واضح نہیں کیا کہ جاں بحق ہونے والوں میں کتنے افراد فوجی تھے اور کتنے عام شہری۔
امریکی میڈیا رپورٹس کے مطابق گزشتہ سال مارچ میں ایران کے خلاف شروع ہونے والی امریکہ-اسرائیل جنگ کے آغاز سے اب تک کم از کم 18 امریکی فوجی اہلکار جاں بحق ہو چکے ہیں۔
امریکہ نے 17 جولائی کی شام تصدیق کی تھی کہ اردن میں موجود اس کے ایک فوجی اڈے کو ایرانی میزائلوں سے نشانہ بنایا گیا۔
رپورٹس کے مطابق جمعے کے روز اردن کے موافقت السلطی اڈے پر ایرانی میزائل حملے میں تین امریکی فوجی جاں بحق ہوئے، جبکہ ایک اور امریکی فوجی اتوار کے روز عراق کے اربیل میں ڈرون حملے سے متعلق ایک کنٹرولڈ دھماکے میں جاں بحق ہوا۔