لائیو امریکی بحریہ نے آبنائے ہرمز سے بارودی سرنگیں صاف کردیں،ٹرمپ کا دعویٰ
ایران امریکہ کشیدگی سے متعلق تازہ ترین اپ ڈیٹ
August 11, 2026 · Live
Tuesday, 11 August 2026 – 10:47 #
امریکی کارروائیاں بند ہوں تو آبنائے ہرمز میں محفوظ آمدورفت بحال ہوسکتی ہے:عراقچی
تہران: ایرانی وزیر خارجہ عباس عراقچی نے کہا ہے کہ آبنائے ہرمز میں بحری آمدورفت کو محفوظ بنانے کے لیے امریکی حملوں اور بحری ناکہ بندی کا خاتمہ ضروری ہے۔ ایرانی وزارت خارجہ کے مطابق عباس عراقچی نے جرمن وزیر خارجہ یوہان واڈی فول سے ٹیلی فونک گفتگو میں خطے کی صورتحال اور آبنائے ہرمز میں بحری آمدورفت کے حوالے سے تبادلہ خیال کیا۔ ایرانی وزیر خارجہ نے کہا کہ آبنائے ہرمز سے محفوظ بحری آمدورفت کی بحالی کے لیے ایسے اقدامات کا خاتمہ ضروری ہے جن سے خطے میں کشیدگی اور سکیورٹی کے خدشات میں اضافہ ہو رہا ہے۔… مزید پڑھیں
Tuesday, 11 August 2026 – 10:46 #
آبنائے ہرمز پر اختلافات طول پکڑ گئے،خام تیل کی قیمتیں 5 فیصد بڑھ گئیں
لندن: امریکا اور ایران کے درمیان آبنائے ہرمز میں بحری آمدورفت بحال کرنے کے طریقہ کار پر اختلافات برقرار رہنے کے باعث عالمی منڈی میں خام تیل کی قیمتوں میں نمایاں اضافہ ہوگیا۔ رپورٹس کے مطابق عالمی معیار سمجھے جانے والے برینٹ خام تیل کی قیمت تقریباً 5 فیصد اضافے کے بعد 87.72 ڈالر فی بیرل تک پہنچ گئی، جبکہ امریکی خام تیل ویسٹ ٹیکساس انٹرمیڈیٹ کی قیمت میں تقریباً 5.1 فیصد اضافہ ہوا اور یہ 82.13 ڈالر فی بیرل پر آگئی۔ تیل کی قیمتوں میں یہ اضافہ ایسے وقت میں سامنے آیا ہے جب امریکا اور ایران کے درمیان… مزید پڑھیں
Tuesday, 11 August 2026 – 10:10 #
ٹرمپ کا غزہ امن کونسل کا منصوبہ مسترد کرنے پر نیتن یاہو کو جواب دینے کا اعلان
واشنگٹن: امریکی صدر ڈونلڈ ٹرمپ نے کہا ہے کہ وہ اسرائیلی وزیراعظم بنیامین نیتن یاہو کی جانب سے غزہ امن کونسل کے 15 نکاتی منصوبے کو مسترد کیے جانے پر اپنا ردعمل جلد سامنے لائیں گے۔ وائٹ ہاؤس میں صحافیوں سے گفتگو کرتے ہوئے ڈونلڈ ٹرمپ نے بتایا کہ وہ نیتن یاہو کے مؤقف پر اپنا جواب سوشل میڈیا پلیٹ فارم ٹروتھ سوشل کے ذریعے جاری کریں گے۔ امریکی صدر کا کہنا تھا کہ ان کے پاس نیتن یاہو کے مؤقف کے حوالے سے جواب موجود ہے اور وہ مناسب وقت پر اسے عوام کے سامنے پیش کریں گے۔ ٹرمپ… مزید پڑھیں