لندن میں چاقو کے حملے میں 3 افراد ہلاک۔متعدد زخمی

رپورٹس کے مطابق نامعلوم شخص کی جانب سے حملہ اس وقت کیا گیا جب ’بلیک لائیوز میٹرز‘ تحریک کے حوالے سے احتجاج کیا جارہا تھا تاہم ایک عینی شاہد نے دعویٰ کیا ہے کہ یہ حملہ احتجاج ختم ہونے کے تقریباً 3 گھنٹے بعد کیا گیا ہے۔

برطانوی نشریاتی ادارے کے مطابق پولیس کا کہنا ہے کہ جائے وقوعہ سے 25 سالہ شخص کو گرفتار کیا گیا ہے جس کے بارے میں یہ خیال ہے کہ اس کا تعلق لبیا سے ہے جبکہ انسدادِ دہشت گردی کے محکمے سے تعلق رکھنے والے افسران اس وقت جائے وقوعہ پر موجود ہیں تاہم حملوں کے مقاصد کے حوالے سے ابھی کچھ نہیں کہا جاسکتا ہے۔

دوسری جانب برطانوی وزیراعظم برس جانسن نے واقعے کی مذمت کرتے ہوئے کہا کہ ان کی ہمدردی حملے میں متاثر ہونے والے افراد کے ساتھ ہیں۔