امریکا نے چین کو قونصل خانہ3دن میں بند کرنے کا حکم دیدیا

برطانوی خبررساں ادارے کے مطابق امریکہ نے چین سے کہا ہے کہ وہ تین دن میں ہوسٹن میں موجود اپنا قونصل خانہ بند کرے۔چین نے اس فیصلے کوغیر منطقی قراردے کرردعمل کا اظہارکیا ہے۔

چینی وزارت خارجہ کی طرف سے جاری کیے گئے بیان کے مطابق امریکہ نے چین کو ہوسٹن میں اپنا قونصل خانہ بند کرنے کے لیے 3 دن کی مہلت دی ہے۔

بیان میں کہا گیا ہے کہ "چینی قونصل خانے کا ایک مختصر مدت میں اوریک طرفہ شکل میں بند کیا جانا چین مخالف اقدامات میں ایسی شدت سے اضافہ ہے کہ جس کی مثال نہیں ملتی”۔

دوسری جانب برطانوی خبررساں ادارے نے ذرائع کے حوالے سے بتایا ہے کہ چین نے امریکی اقدام کا بھرپور جواب دینے کا فیصلہ کیا ہے ۔

نیوز ایجنسی کے مطابق چین نے ووہان میں واقع امریکی قونصلیٹ کو بند کرنے پرغور کررہا ہے۔ اس حوالے سے چینی وزارت خارجہ کا موقف لینے کی کوشش کی گئی تاہم وہاں سے بروقت جواب موصول نہیں ہوسکا۔