ایرانی پاسداران انقلاب کا آبنائے ہرمز میں امریکی ڈرون مار گرانے کا دعویٰ

نیا فضائی دفاعی نظام استعمال ہوا، تنازعے کو فیصلہ کن انجام تک پہنچائیں گے۔

November 21, 2026 · بام دنیا
ایرانی پاسداران انقلاب کا آبنائے ہرمز میں امریکی ڈرون مار گرانے کا دعویٰ

ایرانی پاسداران انقلاب کا آبنائے ہرمز میں امریکی ڈرون مار گرانے کا دعویٰ

تہران (نیوز ڈیسک) ایرانی پاسداران انقلاب نے دعویٰ کیا ہے کہ آبنائے ہرمز میں ایک اور امریکی ایم کیو نائن ڈرون مار گرایا گیا ہے، جس کے بعد اب تک تباہ کیے گئے امریکی ڈرونز کی مجموعی تعداد 58 ہو گئی ہے۔

غیر ملکی ذرائع ابلاغ کے مطابق ایرانی پاسداران انقلاب نے جدید فضائی دفاعی نظام کا استعمال کرتے ہوئے امریکی ڈرون کو نشانہ بنایا۔ دوسری جانب ترجمان پاسداران انقلاب جنرل محبی نے بیان دیا ہے کہ اگر سپریم لیڈر حکم دیں تو ایران یورپ میں موجود امریکی اڈوں کو بھی نشانہ بنانے کی مکمل صلاحیت رکھتا ہے۔ انہوں نے مزید کہا کہ ایران جب بھی کسی فوجی کارروائی کا ارادہ کرتا ہے تو اس کا برملا اعلان کر کے عمل کرتا ہے۔

جنرل محبی کا کہنا تھا کہ فی الوقت جو کچھ ہو رہا ہے وہ دشمن کی جانب سے محض ایک نفسیاتی آپریشن ہے جس کا مقصد جارحانہ کارروائیوں کے لیے زمین ہموار کرنا ہے۔ انہوں نے واضح کیا کہ ایران کوئی تھکا دینے والی جنگ جاری نہیں رکھے گا بلکہ اس تنازعے کو فیصلہ کن انجام تک پہنچائے گا کیونکہ موجودہ صورتحال درحقیقت جنگ کی ہی ایک کیفیت ہے۔