لائیو آبنائے ہرمز میں متبادل راستے کی اجازت نہیں دیں گے، ایران

Tuesday, 4 August 2026 – 10:50 #

عالمی منڈی میں کاروبار کے آغاز پر خام تیل کی قیمتوں میں ایک بار پھر اضافہ ریکارڈ کیا گیا، جس کی بڑی وجہ مشرقِ وسطیٰ میں تیل کی فراہمی سے متعلق خدشات اور خطے میں جاری کشیدگی کو قرار دیا جا رہا ہے۔ بین الاقوامی مارکیٹ میں برینٹ خام تیل کی قیمت تقریباً ایک فیصد سے زائد اضافے کے بعد 84 ڈالر فی بیرل سے تجاوز کر گئی، جبکہ امریکی ویسٹ ٹیکساس انٹرمیڈیٹ (WTI) خام تیل بھی تقریباً ایک فیصد مہنگا ہو گیا۔ ماہرین کے مطابق تیل کی قیمتوں میں حالیہ اضافہ خطے کی غیر یقینی صورتحال اور ایران سے… مزید پڑھیں

Tuesday, 4 August 2026 – 10:14 #

سعودی عرب کے ولی عہد اور وزیرِاعظم شہزادہ محمد بن سلمان اور ترکیہ کے صدر رجب طیب اردوان کے درمیان ٹیلیفون پر رابطہ ہوا، جس میں دوطرفہ تعلقات، مشرقِ وسطیٰ کی تازہ صورتحال اور بحیرہ احمر میں سیکیورٹی سے متعلق امور پر تفصیلی گفتگو کی گئی۔ سعودی میڈیا کے مطابق دونوں رہنماؤں نے سعودی عرب اور ترکیہ کے درمیان مختلف شعبوں میں تعاون کو مزید فروغ دینے کے امکانات کا جائزہ لیا اور باہمی تعلقات کو مزید مستحکم بنانے کے عزم کا اظہار کیا۔ گفتگو کے دوران مشرقِ وسطیٰ میں جاری کشیدگی اور بحیرہ احمر میں بین الاقوامی جہاز رانی… مزید پڑھیں

Tuesday, 4 August 2026 – 10:06 #

آبنائے ہرمز کے قریب ایک تجارتی بحری جہاز پر مبینہ میزائل حملے کی اطلاع سامنے آئی ہے، جس کے بعد متعلقہ حکام نے واقعے کی تحقیقات کا آغاز کر دیا ہے۔ برطانوی میری ٹائم ٹریڈ آپریشنز (یو کے ایم ٹی او) کے مطابق عمان کے شہر الخصب کے شمال مشرق میں تقریباً 20 بحری میل کے فاصلے پر ایک تجارتی بحری جہاز نے ہنگامی مواصلاتی چینل وی ایچ ایف 16 کے ذریعے اطلاع دی کہ اسے نامعلوم میزائل سے نشانہ بنایا گیا ہے۔ تنظیم کا کہنا ہے کہ واقعے کی تفصیلات جمع کی جا رہی ہیں اور متعلقہ ادارے صورتحال… مزید پڑھیں

Tuesday, 4 August 2026 – 09:56 #

ایران کے سپریم لیڈر کے سینیئر مشیر میجر جنرل محسن رضائی نے کہا ہے کہ ایران آبنائے ہرمز کے حوالے سے اپنے مؤقف پر قائم ہے اور اسے امریکا کی شرائط کے مطابق دوبارہ کھولنے کی اجازت نہیں دی جائے گی۔ اپنے بیان میں انہوں نے کہا کہ اگر خطے میں کسی بھی قسم کے جنگی جہاز یا فوجی نقل و حرکت کی گئی تو ایران اس کا بھرپور جواب دے گا۔ ان کا کہنا تھا کہ آبنائے ہرمز میں کسی متبادل راستے کی اجازت نہیں دی جائے گی۔ محسن رضائی نے دعویٰ کیا کہ ایران کی جانب سے جاری… مزید پڑھیں