لائیو جنوبی ایران میں امریکی حملے کے اڈے پر جوابی کارروائی کا ایرانی دعویٰ

Monday, 1 June 2026 – 12:23 #

لبنان کے صدر جوزف عون نے کہا ہے کہ ان کا ملک اسرائیل کی ’وحشیانہ اور ناقابلِ قبول جارحیت‘ کا سامنا کر رہا ہے۔ صدر عون نے یہ بیان اسرائیل کی جانب سے حزب اللہ کے خلاف حملوں میں شدت آنے اور تاریخی اور سٹریٹجک اہمیت کے حامل قلعے پر قبضے کے بعد دیا۔ ایکس پر جاری اپنے پیغام میں صدر عون نے اسرائیلی کارروائی کی شدید مذمت کی اور عہد کیا کہ وہ لبنانی عوام، خصوصاً جنوبی لبنان کے رہائشیوں کی مشکلات اور مصائب کے خاتمے کے لیے ہر ممکن کوشش کریں گے۔ دوسری جانب لبنان کی صورتحال پر… مزید پڑھیں

Monday, 1 June 2026 – 12:15 #

ایران نے کہا ہے کہ اس کے خلاف حملوں میں استعمال ہونے والے علاقائی فوجی اڈوں اور تنصیبات کو نشانہ بنانا اس کا قانونی حقِ دفاع ہے۔ ایران کی وزارتِ خارجہ کے ترجمان اسماعیل بقائی نے کویت کی جانب سے میزائل اور ڈرون حملوں کی اطلاعات کے بعد کہا کہ ایران کو ان علاقائی “اڈوں اور اثاثوں” کے خلاف جوابی کارروائی کا حق حاصل ہے جو اس پر حملوں کے لیے استعمال کیے گئے ہوں۔ سوشل میڈیا پلیٹ فارم X پر ایک بیان میں بقائی نے کہا کہ “ریاستوں پر قانونی طور پر یہ ذمہ داری عائد ہوتی ہے کہ… مزید پڑھیں

Monday, 1 June 2026 – 11:54 #

ٹرمپ مفاہمتی یادداشت میں تبدیلیوں کے خواہاں ہیں جبکہ عراقچی نے معاہدے کی خبروں کو “قیاس آرائیاں” قرار دے دیا۔ رپورٹس کے مطابق امریکی صدر ڈونلڈ ٹرمپ نے امریکہ اور ایران کے درمیان مجوزہ مفاہمتی یادداشت کے مسودے میں ترامیم کا مطالبہ کیا ہے، جن میں جوہری وعدوں سے متعلق زیادہ سخت زبان اور آبنائے ہرمز کے حوالے سے نکات شامل ہیں۔ دوسری جانب ایران کے وزیر خارجہ عباس عراقچی کا کہنا ہے کہ مذاکرات تاحال جاری ہیں اور کسی معاہدے کے بارے میں عوامی سطح پر ہونے والی بات چیت “محض قیاس آرائی” ہے۔ مزید پڑھیں

Monday, 1 June 2026 – 11:46 #

لبنان کی سرکاری خبر رساں ایجنسی این این اے کے مطابق حالیہ اسرائیلی حملوں میں مزید چھ افراد جاں بحق ہو گئے ہیں۔ ایجنسی کے مطابق جنوبی لبنان کے قصبے بریقاء میں اسرائیلی ڈرون حملے میں دو افراد جان بحق ہوئے، جبکہ قریبی قصبے تول میں ایک اور ڈرون حملے میں ایک شامی شہری ہلاک ہوگیا۔ این این اے کا کہنا ہے کہ دریائے لیتانی کے شمال میں واقع قصبے کفرصیر پر رات گئے ہونے والے حملوں میں مزید تین افراد مارے گئے۔ مزید پڑھیں

Monday, 1 June 2026 – 11:27 #

اسرائیلی فوج نے دعویٰ کیا ہے کہ اس کی فضائیہ نے لبنان سے فائر کیے گئے تین پروجیکٹائل (گولے/راکٹ) مار گرائے ہیں، جن میں سے دو اسرائیلی علاقے کی جانب بڑھ رہے تھے جبکہ ایک جنوبی لبنان کے اس علاقے میں نشانہ بنایا گیا جہاں اسرائیلی فوجی موجود ہیں۔ اسرائیلی فوج کے مطابق ان پروجیکٹائلز کے نتیجے میں کوئی جانی نقصان یا زخمی ہونے کی اطلاع نہیں ملی۔ فوج کا کہنا ہے کہ ان کارروائیوں سے قبل شمالی اسرائیل کے متعدد علاقوں میں خطرے کے سائرن بجائے گئے تھے۔ مزید پڑھیں

Monday, 1 June 2026 – 11:11 #

Monday, 1 June 2026 – 10:59 #

ایران نے جنوری میں حکومت مخالف مظاہروں میں مبینہ کردار کے الزام میں دو افراد کو سزائے موت دے دی ہے، یہ بات سرکاری خبر رساں ایجنسی میزان نے رپورٹ کی ہے۔ رپورٹ کے مطابق دونوں افراد کو ایک مسجد کو آگ لگانے، سرکاری املاک کو نقصان پہنچانے اور سکیورٹی فورسز سے جھڑپوں کے الزام میں مجرم قرار دیا گیا تھا۔ خبر ایجنسی نے ان افراد کی شناخت مہرداد محمدی نیا اور اشکان ملکی کے ناموں سے کی ہے اور کہا ہے کہ یہ تہران کے علاقے گیشا میں واقع جعفری مسجد پر حملے کے مرکزی ملزمان میں شامل تھے۔… مزید پڑھیں

Monday, 1 June 2026 – 10:45 #

کویت کی مسلح افواج کے جنرل اسٹاف نے کہا ہے کہ اس کے فضائی دفاعی نظام اس وقت “دشمن کے میزائل اور ڈرون حملوں کا مقابلہ کر رہے ہیں”۔ فوج کے مطابق اگر دھماکوں کی آوازیں سنی جائیں تو یہ دراصل فضائی دفاعی نظام کی جانب سے آنے والے میزائلوں اور ڈرونز کو فضا ہی میں تباہ کرنے کا نتیجہ ہیں۔ حملوں کے حوالے سے مزید تفصیلات سامنے نہیں آ سکیں۔ مزید پڑھیں

Monday, 1 June 2026 – 10:43 #

امریکی صدر ڈونلڈ ٹرمپ نے ایران سے متعلق صورتحال پر ایک نیا بیان جاری کرتے ہوئے کہا ہے کہ مستقبل میں ہونے والا معاہدہ “امریکہ اور ہمارے ساتھ کھڑے ممالک کے لیے فائدہ مند ہوگا”۔ انہوں نے اپنے سوشل میڈیا پلیٹ فارم ’’ٹروتھ‘‘ پر جاری بیان میں کہا کہ تہران “حقیقت میں معاہدہ کرنا چاہتا ہے” اور جو بھی ڈیل طے پائے گی وہ “امریکہ اور اس کے اتحادیوں کے لیے بہتر ہوگی”۔ ٹرمپ نے اپنے ملک کے اندر موجود ناقدین کو بھی تنقید کا نشانہ بنایا اور کہا کہ وہ ان کی پالیسیوں کے بارے میں “منفی انداز میں… مزید پڑھیں